​ദോഹ:സുരക്ഷിതമല്ലാത്തതോ ഉപയോഗശൂന്യമായതോ ആയ ഭക്ഷ്യവസ്തുക്കൾ വിപണിയിൽ നിന്ന് തിരിച്ചുവിളിക്കുന്നതിനും പിൻവലിക്കുന്നതിനുമുള്ള പുതിയ മാർഗ്ഗനിർദ്ദേശങ്ങളടങ്ങിയ ഗൈഡ് പൊതുജനാരോഗ്യ മന്ത്രാലയം പുറത്തിറക്കി. ഭക്ഷ്യ സുരക്ഷ ഉറപ്പാക്കുന്നതിനായി 'ഫുഡ് എസ്റ്റാബ്ലിഷ്മെന്റ്സ് ഗൈഡ് ടു ഫുഡ് വിത്ത്ഡ്രോവൽ റിക്വയർമെന്റ്സ്' എന്ന പേരിലാണ് ഈ സമഗ്ര നിർദ്ദേശങ്ങൾ പ്രസിദ്ധീകരിച്ചത്.
​ഇറക്കുമതി, കയറ്റുമതി, പ്രാദേശിക ഉൽപ്പാദനം, വിതരണം, ചില്ലറ വിൽപ്പന മേഖലകളിൽ പ്രവർത്തിക്കുന്ന ഖത്തറിലെ എല്ലാ ഭക്ഷ്യ സ്ഥാപനങ്ങൾക്കും ഈ നിർദ്ദേശങ്ങൾ ബാധകമാണ്. റീകോൾ ടീമിനെ രൂപീകരിക്കൽ,
​പൊതുജനാരോഗ്യ മന്ത്രാലയത്തെ അറിയിക്കൽ
​അന്വേഷണവും, സാമ്പിൾ ശേഖരണവും
​സുരക്ഷാ പ്രശ്നത്തിന്റെ അവലോകനം,
​തിരിച്ചുവിളിക്കൽ തീരുമാനം എടുക്കൽ
​നടപടികൾ ആരംഭിക്കൽ,
​ഉൽപ്പന്നങ്ങൾ മാറ്റിവെക്കുകയും വിതരണം തടയുകയും ചെയ്യൽ,
​ബാധിക്കപ്പെട്ട ഉൽപ്പന്നങ്ങൾ കണ്ടെത്തൽ (ട്രേസിംഗ്),
​ബന്ധപ്പെട്ട കേന്ദ്രങ്ങളുമായി ആശയവിനിമയം നടത്തൽ
​ഉൽപ്പന്നങ്ങൾ നശിപ്പിക്കുകയോ തിരികെ അയക്കുകയോ ചെയ്യൽ,
​റീകോൾ നടപടികൾ അവസാനിപ്പിക്കൽ
​പ്രക്രിയയുടെ ഫലപ്രാപ്തി വിലയിരുത്തൽ,
​അന്തിമ റിപ്പോർട്ട് സമർപ്പിക്കൽ തുടങ്ങിയ നാല് ഭാഗങ്ങളുള്ള ഗൈഡിൽ ഭക്ഷ്യ വസ്തുക്കൾ പിൻവലിക്കുന്നതിലെ 13 പ്രധാന ഘട്ടങ്ങൾ വ്യക്തമാക്കുന്നു.ലബോറട്ടറി പരിശോധനാ ഫലങ്ങൾ, ഉപഭോക്തൃ പരാതികൾ, വിദേശ രാജ്യങ്ങളിലെ മുൻകരുതൽ നടപടികൾ തുടങ്ങിയ സൂചനകളുടെ അടിസ്ഥാനത്തിലാണ് ഇത്തരം പിൻവലിക്കലുകൾ നടത്തേണ്ടത്. അടിയന്തര സാഹചര്യങ്ങളിൽ 3 മുതൽ 10 പ്രവൃത്തി ദിവസങ്ങൾക്കുള്ളിൽ നടപടികൾ പൂർത്തിയാക്കാൻ മന്ത്രാലയം നിർദ്ദേശിക്കും.
​ഖത്തറിലെ സ്ഥാപനങ്ങൾ തങ്ങളുടെ ഉൽപ്പന്നങ്ങളിൽ സുരക്ഷാ വീഴ്ച കണ്ടാൽ ഉടൻ തന്നെ വിതരണം നിർത്തലാക്കാനും മന്ത്രാലയത്തെ വിവരമറിയിക്കാനും ബാധ്യസ്ഥരാണ്. ചില്ലറ വ്യാപാരികൾ മോശം ഉൽപ്പന്നങ്ങൾ ഷെൽഫുകളിൽ നിന്ന് മാറ്റി ഉപഭോക്താക്കളിൽ നിന്ന് തിരികെ സ്വീകരിക്കണമെന്നും നിർദ്ദേശത്തിലുണ്ട്.